Цахимаар шүүх хуралдаанд оролцож байгаа иргэддээ талархал илэрхийлье
2020-12-07 | 211Гамшгаас хамгаалах өндөржүүлсэн болон бүх нийтийн бэлэн байдлын зэрэгт шилжсэн үед тус шүүхийн үйл ажиллагаа нь хэвийн тасралтгүй явагдаж байгаа ба хэргийн болон хэргийн бусад оролцогч нар өөрийгөө болон бусдыг болзошгүй эрсдэлээс хамгаалж, шүүхийн байранд олноороо ирж бөөгнөрөл үүсгэлгүйгээр дуу, дүрсний төхөөрөмж ашиглаж шүүх хуралдаанд оролцож Захиргааны хэрэг шүүхэд хянан шийдвэрлэх тухай хуульд заасан эрхээ эдэлж байгаа та бүхэнд шүүхийн хамт олны өмнөөс талархаж байгаагаа илэрхийлье.
Захиргааны хэргийн давж заалдах шатны шүүх 2020 оны 11 дүгээр сарын 30-ны өдрөөс 2020 оны 12 дугаар сарын 04-ний өдрийн хугацаанд нийт 46 хэргийг хянан хэлэлцэхээр шүүх хуралдаан товлон зарласнаас 14 хэрэг хэргийн оролцогчдийн хүсэлтээр хойшилж, 32 хэргийг хянан хэлэлцсэн.
Хянан хэлэлцсэн 32 шүүх хуралдаанд оролцсон 98 хэргийн оролцогчоос шүүхийн байранд ирсэн 10, зайнаас (гэр, оффис, байгаа газраасаа) 88 иргэн оролцов.
Үүнээс харахад шүүх хуралдаанд оролцсон иргэдийн 88 буюу 90 хувь нь шүүхийн байранд ирэхгүйгээр зайнаас оролцож байгаа юм.
Цаашид тус шүүхээс товлон зарласан шүүх хуралдаанд оролцох хэргийн болон хэргийн бусад оролцогч нарыг дуу, дүрсний төхөөрөмж ашиглан зайнаас (гэр, оффис, байгаа газраасаа) оролцохыг УРИАЛЖ байна.
Захиргааны хэргийн давж заалдах шатны
шүүхийн Тамгын газар