Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
Дотоод сургалт зохион байгуулав.

Дотоод сургалт зохион байгуулав.

2022-06-10   |   Админ   |  

     Тус шүүхийн тамгын газар нь 2022 онд баталсан гүйцэтгэлийн төлөвлөгөөндөө хариуцлагатай шүүхийг төлөвшүүлэх ажлын хүрээнд “Захиргаа, үйлчилгээний албан хаагчид нь ёс зүйн зөрчилгүй хамт олон болох”, ёс зүйн зөрчлөөс урьдчилан сэргийлэх мөн Төрийн албаны тухай хууль, холбогдох журмын хэрэгжилтийг хангаж ажиллах үйл ажиллагааны чиглэлээр Шүүхийн ерөнхий зөвлөлтэй хамтран “Төрийн албаны тухай хуулийн шинэтгэл, анхаарах асуудал, ёс зүй” сэдэвт сургалтыг 2022 оны 06 дугаар сарын 10-ны өдөр зохион байгууллав.

     Энэхүү сургалтад Шүүхийн ерөнхий зөвлөлийн шүүхийн захиргааны ажилтны хүний нөөцийн бодлого, төлөвлөлт хариуцсан ахлах референт Б.Оюуннасан уригдан ирж, захиргаа болон үйлчилгээний албан хаагчдад Төрийн албаны тухай хуульд орсон шинэтгэл, холбогдон гарсан дүрэм, журам, төрийн жинхэнэ албаны ерөнхий, тусгай шалгалт, түүний хэлбэр, үнэлгээ, сул орон тоог нөхөх дараалал, нэр дэвшүүлэх, томилоход анхаарах асуудал, төрийн албаны сургалтын эрх зүйн орчин, төрийн албан хаагчийн нийтлэг эрх, үүрэг, баталгаа, ёс зүйн хэм хэмжээ, харилцаа, хандлагын талаарх мэдлэг, мэдээллийг өгсөн, санал солилцсон, үр дүнтэй сургалт боллоо.


ЗАХИРГААНЫ ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР