ШҮҮН ТАСЛАХ АЖИЛЛАГААНЫ ТАЙЛАНГ ХЭЛЭЛЦҮҮЛЛЭЭ
2025-12-22 | 48Захиргааны хэргийн давж заалдах шатны шүүхийн шүүн таслах ажиллагааны тайлангийн хурал өнөөдөр / 2025.12.22/ боллоо. Тайлангийн хуралд Ерөнхий шүүгч, шүүгчид, Тамгын газрын дарга, шүүхийн захиргааны ажилтнууд оролцов. Шүүн таслах ажлын тайланг Ерөнхий шүүгч Д.Баатархүү танилцуулж, шүүгч нарын зүгээс цаашид анхаарах асуудал дээр харилцан санал бодлоо солилцсон юм.
Энэ үеэр Тамгын газрын дарга Д.Өнөржаргал хэргийн хөдөлгөөний талаар шүүгч нарын зүгээс асуусан асуултад товчхон мэдээлэл өгч “Нээлттэй шүүх хуралдааны бичлэгийг шүүхийн цахим хуудаст байршуулах журам” хэрэгжиж эхэлсэнтэй холбогдуулан тус шүүхийн Тамгын газраас 800 орчим шүүх хуралдааныг шууд дамжуулсан бөгөөд сүүлийн нэг сарын хугацаанд хамгийн үзэлт өндөр байгаа шүүх хуралдааны талаарх судалгааг Мэдээлэл технологийн мэргэжилтэн О.Болорчулуу танилцууллаа.
Арга хэмжээний төгсгөлд Ерөнхий шүүгч Д.Баатархүү 2025 оны ажлаа дүгнэж, ирж буй 2026 ондоо шүүн таслах ажиллагаандаа илүү амжилт гаргахыг хүсэв.