Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
Шүүгчийн сонгон шалгаруулалтад оролцогчид 65 сул орон тоонд өрсөлдөнө

Шүүгчийн сонгон шалгаруулалтад оролцогчид 65 сул орон тоонд өрсөлдөнө

2023-03-16   |   Админ   |   360   |  

       Шүүхийн ерөнхий зөвлөлийн 2022 оны 324, 2023 оны 27, 82, 93 дугаар тогтоолоор анхан шатны шүүхийн шүүгчийн 59, давж заалдах шатны шүүхийн шүүгчийн 5, хяналтын шатны шүүхийн шүүгчийн 1, нийт 65 сул орон тоонд сонгон шалгаруулалт зарлалаа.

     Бүртгэл 2023 оны 03 дугаар сарын 27-ны өдрийн 09.00 цагаас 2023 оны 04 дүгээр сарын 26-ны өдрийн 17.00 цаг хүртэл хугацаанд явагдах бөгөөд зард дурдсан баримт бичгийг цахим хэлбэрээр www.shuugch-songon.mn цахим системээр, цаасан хэлбэрээр Шүүхийн ерөнхий зөвлөлийн байр, 104 тоот өрөөнд хүлээн авна.


Холбоо барих утасны дугаар: 70008041

ШҮҮХИЙН ЕРӨНХИЙ ЗӨВЛӨЛИЙН

АЖЛЫН АЛБА