Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
ИРГЭДИЙГ ЗАХИРГААНЫ ХЭРГИЙН ДАВЖ ЗААЛДАХ ШАТНЫ ШҮҮХИЙН ҮЙЛ АЖИЛЛАГААТАЙ ТАНИЛЦУУЛЛАА

ИРГЭДИЙГ ЗАХИРГААНЫ ХЭРГИЙН ДАВЖ ЗААЛДАХ ШАТНЫ ШҮҮХИЙН ҮЙЛ АЖИЛЛАГААТАЙ ТАНИЛЦУУЛЛАА

2023-03-03   |   Админ   |   414   |  

       Шүүхийн Ерөнхий Зөвлөл байгуулагдсаны 30 жилийн ой 2023 онд тохиолдож байгааг тохиолдуулан шүүхийн Тамгын газраас шүүхэд итгэх иргэдийн итгэлийг нэмэгдүүлэх зорилгоор нийгмийн хариуцлагын хүрээнд “Гадагш чиглэсэн бүтээлч арга хэмжээ”-ний төлөвлөсөн ажлаа хэрэгжүүллээ.

      Дээрх ажлын хүрээнд “Google”-ийн “Street view”-ээр иргэдийг шүүхтэй танилцах боломжийг бүрдүүлэх ажлыг хэрэгжүүлснээс гадна, Нийслэлийн ерөнхий боловсролын 29 дүгээр сургуультай хамтран багш, ажилчид нийт 70 гаруй ажилтанд “Шүүхийн үйл ажиллагааг таниулах, Хандлага, Шүүхийн иргэдийн төлөөлөгчийн оролцоо”-ны талаарх сургалт, уулзалт зохион байгууллаа.

      Сургалтад хамрагдсан иргэдээс шүүхээр үйлчлүүлж байсан эсэх талаар судалгаа авахад 70 гаруй иргэнээс нэг хүн л шүүх хуралдаанд иргэдийн төлөөлөгчөөр сонгогдон оролцож байсан байна.

      Тус шүүхийн хамт олонд хандан Нийслэлийн ерөнхий боловсролын 29 дүгээр сургуулийн багш, ажилчид “шүүхийн үйлчилгээтэй танилцах боломж олгосонд талархаж буйгаа илэрхийлж дурсгалын зураг татуулснаар уулзалт өндөрлөлөө.


ЗАХИРГААНЫ ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

2023.03.03