Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
Шүүх эрх мэдэл эмхэтгэлийн энэ оны эхний дугаар хэвлэгдэн гарлаа

Шүүх эрх мэдэл эмхэтгэлийн энэ оны эхний дугаар хэвлэгдэн гарлаа

2022-04-15   |   Админ   |   59   |  

  Энэ удаагийн дугаарт шүүгчийн хараат бус байдал, шүүхийн аюулгүй байдлыг хангахтай холбоотой өгүүлэл, нийтлэл, тус харилцааг зохицуулахаар Шүүхийн ерөнхий зөвлөл дангаараа болон бусад төрийн байгууллагатай хамтран баталсан эрх зүйн актуудыг эмхэтгэн хэвлэлээ.

       Дээрх эрх зүйн актууд батлагдсанаар шүүгч, түүний гэр бүлийн гишүүний амь нас, эрүүл мэндэд аюул занал учрах нөхцөл байдал үүссэн тохиолдолд түүнийг таслан зогсооход чиглэсэн арга хэмжээг шуурхай зохион байгуулах, аюулгүй байдлын хамгаалалтын арга хэмжээ хэрэгжүүлэх нөхцөл, арга хэлбэр тодорхой болж, шүүгчийн халдашгүй байдлын баталгаа хангагдах эрх зүйн орчин бүрдсэн юм.

       Мөн энэхүү дугаарт 2021 оны Монгол Улсын шүүхийн бүтэн жилийн шүүн таслах ажиллагааны нэгдсэн дүн мэдээг холбогдох дүн шинжилгээний хамт тоймлон нийтэлсэн нь сургалт, судалгааны ач холбогдолтой боллоо.

Шүүх эрх мэдээл сэтгүүлийг бүрэн эхээр нь ЭНД дарж уншина уу.


Шүүхийн захиргааны сургалт, судалгааны төв