Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
ШҮҮХИЙН ЕРӨНХИЙ ЗӨВЛӨЛИЙН ГИШҮҮН Н.БААСАНЖАВ, А.ОТГОНЦЭЦЭГ НАР ЗАХИРГААНЫ ХЭРГИЙН ДАВЖ ЗААЛДАХ ШАТНЫ ШҮҮХЭД АЖИЛЛАВ

ШҮҮХИЙН ЕРӨНХИЙ ЗӨВЛӨЛИЙН ГИШҮҮН Н.БААСАНЖАВ, А.ОТГОНЦЭЦЭГ НАР ЗАХИРГААНЫ ХЭРГИЙН ДАВЖ ЗААЛДАХ ШАТНЫ ШҮҮХЭД АЖИЛЛАВ

2022-04-04   |   Админ   |  

         Шүүхийн ерөнхий зөвлөлийн гишүүн Н.Баасанжав, А.Отгонцэцэг, Шүүхийн захиргааны хүний нөөцийн газрын дарга Н.Ганбаатар нарын ажлын хэсэг өнөөдөр /2022.04.04/ Захиргааны хэргийн давж заалдах шатны шүүхэд ажиллалаа.

        Ажлын хэсгийнхэн тус шүүхийн байр, танхим, шүүгч, шүүхийн захиргааны ажилтнуудын өрөө тасалгаа, ажиллах орчин нөхцөлтэй танилцсан бөгөөд нийт шүүгч, шүүхийн захиргааны ажилтнуудтай уулзалт хийж, санал бодлыг сонсож, асуултад хариулсан юм. Мөн Шүүхийн ерөнхий зөвлөлөөс хэрэгжүүлж буй бодлого шийдвэр, шинээр батлагдсан дүрэм журмын талаар мэдээлэл хийсэн ба захиргааны хэргийн давж заалдах шатны шүүхийн Ерөнхий шүүгч Д.Батбаатар хэрэг хянан шийдвэрлэх ажиллагааны тоо мэдээ танилцуулсан бол Тамгын газрын дарга Д.Өнөржаргал шүүхийн үйл ажиллагаатай холбоотой асуудлаар танилцуулга хийж тулгамдаж буй асуудлын талаар санал хүсэлтээ илэрхийллээ.


Захиргааны хэргийн давж заалдах шатны шүүхийн

Тамгын газар