Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
Шүүхийн захиргааны ажилтнууд тангараг өргөлөө

Шүүхийн захиргааны ажилтнууд тангараг өргөлөө

2022-04-27   |   Админ   |   235   |  

     Төрийн жинхэнэ албан хаагчийн тангараг өргөх ёслолын ажиллагаа өнөөдөр Шүүхийн ерөнхий зөвлөлийн байранд боллоо. Энэхүү ёслолд Шүүхийн ерөнхий зөвлөлийн дарга Д.Зүмбэрэллхам, Шүүхийн ерөнхий зөвлөлийн гүйцэтгэх нарийн бичгийн дарга Р.Батрагчаа, Захиргаа, удирдлагын газрын дарга Л.Санжрагчаа, Хуулийн хэлтсийн дарга Б.Билгүүн, Санхүү, хөрөнгө оруулалтын газрын дарга Б.Цогбадрах, Шүүхийн захиргааны хүний нөөцийн газрын дарга Н.Ганбаатар болон шүүхийн хүний нөөцийн албан хаагчид, нийслэлийн анхан болон давж заалдах шатны шүүхийн Тамгын газрын дарга, захиргааны ажилтнууд оролцсон бөгөөд орон нутгийн шүүхүүдийн захиргааны ажилтнууд онлайнаар холбогдлоо.

      Төрийн албан хаагчийн тангараг өргөх ёслолд Захиргааны хэргийн давж заалдах шатны шүүхийн Тамгын газраас шүүгчийн туслах Ц.Маргад-Эрдэнэ, шүүх хуралдааны нарийн бичгийн дарга А.Гантогтох, Б.Улаанмуна нар төр, ард түмнийхээ төлөө үнэнч шударга ажиллахаа илэрхийлж, төрийн далбаандаа хүндэтгэл үзүүлэн тангаргийн бичигт гарын үсэг зуран төрийн албан хаагчийн тангараг өргөлөө.