Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
“MOCK TRIAL” шүүхийн мэтгэлцээний тэмцээн амжилттай зохион байгуулагдлаа

“MOCK TRIAL” шүүхийн мэтгэлцээний тэмцээн амжилттай зохион байгуулагдлаа

2019-04-08   |   Админ   |  

     Монголын Хуульчдын холбооноос жил бүр зохион байгуулдаг Хуульчдын холбооны Ерөнхийлөгчийн нэрэмжит “MOCK TRIAL” шүүхийн мэтгэлцээний тэмцээн зургаа дахь жилдээ амжилттай зохион байгуулагдлаа.

     Тус тэмцээн эрүү, иргэн, захиргаа, арбитрын мэтгэлцээн гэсэн дөрвөн төрлөөр Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүх, Баянзүрх, Чингэлтэй, Сүхбаатар дүүргийн Иргэний хэргийн анхан шатны шүүх, Захиргааны хэргийн шүүхийн нэгдсэн байр, МҮХАТ-ын дэргэдэх Монголын Олон Улсын ба Үндэсний арбитрын шүүхийн байранд тус тус боллоо.

     Тэмцээнд хууль зүйн их, дээд сургуулийн 13 сургуулийн 35 баг оролцож, ур чадвар, мэдлэгээ сорин өрсөлдөж нэгдсэн дүнгээр МУИС-Хууль зүйн сургуулийн баг тэргүүллээ.

     Энэхүү тэмцээн нь жил бүр хүрээгээ тэлсээр байгаа бөгөөд энэ жил оролцогч сургуулийн тоо нэмэгдсэний зэрэгцээ оюутнуудыг арбитрын хэргийн мэтгэлцээнээр өрсөлдөх боломжийг олгосноороо онцлог болж байна.